Некалькі гадоу запар мы (гэта група вандроўнікаў з аднолькавымі інтарэсамі як па працы, так і падчас адпачынку) карысталіся паслугамі турыстычнай кампаніі Глоубал Трэвэл.
Звычайна адпачынак спалучаем з экскурсіямі.
Гэта і Барселона (Каталонія-Іспанія) з Храмам Святога Сямейства архітэктара-мадэрніста Антоніо Гаудзі. Гэта і Неапаль з галоўным гатычным саборам усёй Італіі, лепшым у свеце оперным тэатрам Ла Скала. Гэта і манастыр Санта-Марыя з Тайнай вячэрай Лёні (як кажуць італьянцы Леанарда) да Вінчы. Гэта і Рым, і Афіны, і Парыж, і Варшава, і Берлін, і Прага, і Стамбул. Амаль усе краіны Еўропы і іх сталіцы былі у нашых ног. Плёскалісь і загаралі на пляжах Адрыятыкі, Эгейскага, Цірэнскага і Лігурыйскага мораў.
Хадзілі мы па вузкім вулачкам раскапанага ад вулканічнага туфа і попелу горада Пампеі і назіралі за Везувіем. А ён нібыта стары курыльшчык пыхцеў і адным вокам паглядаў на нас: мауляў, смелыя знайшліся.
Цяжка ўявіць, якім быў апошні дзень для гараджан перад вывярэжэннем вулкана. А можа, ён і быў такім, як намаляваў яго рускі мастак Карл Брулоў («Последний день Помпеи»).
Двойчы былі у Ватыкане з наведваннем сусветна вядомай Сікстынскай капелы, якую лічаць жэмчужынай каталіцкай епархіі.
Сёлета ужо другі раз наведвалі Октоберфест у Мюнхене.
Каму ж не хочацца правесці дэгустацыю піва, якое вараць па тэхналогіі сярэдневякоўя і пакаштаваць баварскіх каўбасак.
Перавагу ў адпачынку мы звычайна аддавалі Адрыятыцы. Таму і горы Альпы мы даследвалі уздоуж і поперак (Грац, Зальцбург, Інсбрук, Клагенфурт). А якія там прыгожыя грыбы баравікі на гарадскіх рынках! Усе разрэзаны ўздоўж, каб было відна, што яны не пашкоджаны лічынкамі насекомых. У нас жа бытуе памылковы погляд, што ў Еуропе не ўжываюць у ежу лясныя грыбы.
Як зараз прынята казаць: лагістыка нашых падарожжаў забяспечвалася кампаніяй «Глоубал Трэвэл. Ніколі нашы капрызы не ігнараваліся дырэктарам Марынай Сяргееўнай Салко. Таму і транспартныя паслугі (шыкоуныя аўтобусы), экскурсіі (захапляючыя) і гатэлі (дзе ўсе ўключана ў агульны кошт і штодзеннай заменай бялізны), як транзітныя, так і па [censored] адпачынку, задавальнялі нашы патрэбы.
Не менш цікава кампаніяй днямі былі арганізаваны экскурсіі для нашай групы на вытворчыя прадпрыемствы нашай краіны.
Мазырскі сользавод з яго ўнікальнай тэхналогіяй падземнага выпарвання паваранай солі і амаль поўнай аўтаматызацыяй вытворчых працэсаў.
Тураўскі малочны камбінат («Бонфесто»), дзе ў цэхах амаль адсутнічаюць людзі: суцэльныя транспарцёры і робацізіраваныя аўтаматы. А якая смачная прадукцыя!
Больш таго, сываратка зяўляецца зыходным прадуктам для вытворчасці мягкага тварагу Рыкота.
Вялізнай вішанькай на торце у нашай экскурсіі па Тураўшчыне была сустрэча з вядомым у нашай краіне фермерам Шрубам Міхаілам Рыгоравічам і яго гаспадаркай.
Усё на ўзроуні высокай агратэхнічнай культуры апрацоўкі зямлі з высокімі паказчыкамі выхаду таварнай прадукцыі з кожнага гектара ралля. Чым мы горш за якія галандыі ці ізраілі.
На ўсіх прадпрыемствах, якія мы наведалі, годныя заробкі з ашаламляльнымі бонусамі персаналу, чэргі на вакантныя [censored], ніякіх праблем з рэалізацыяй таварнай прадукцыі як у Беларусі, так і на знешніх рынках.
За ўсё гэта вялікі дзякуй, шаноўныя глоубалісты. І рыхтуемся да чарговай вандроўкі.

Мікалай Фяськоу